Er að vinna í nýrri grein um streitu, hvað veldur, hvernig kemur hún fram og hvað getum við gert til að koma í veg fyrir hana og/eða vinna úr henni?
Fylgist með á næstu dögum. 

​Nýtt: greinin komin inn


Dóra Ásgeirsdóttir

Í kvöld fór fram stofnfundur Íslenska NoseWork Klúbbsins og mættu þangað þeir aðilar sem höfðu áhuga á að sitja í fyrstu stjórn klúbbsins. 
Hópurinn samanstendur af nýútskrifuðum leiðbeinendum sem og áhugafólki um sportið.
Unnið er að því að gera heimasíðu klúbbsins www.nosework.is aðgengilega og fylla hana af upplýsingum og fréttum frá klúbbnum.

Kosinn formaður klúbbsins er Guðfinna Kristinsdóttir, Þórdís Stross var kosin gjaldkeri og Sissa Bjarglind Ingólfsdóttir sem ritari. meðstjórnendur og varamenn eru Ingólfur Jón Ágúst Óskarsson, Dóra Ásgeirsdóttir, Valgerður Guðsteinsdóttir, Sara Kristín Olrich-White, Maríanna Lind Garðarsdóttir og Stefán H. Kristinsson.

Í dag útskrifuðust 8 nýjir leiðbeinendur í NoseWork á Íslandi. Fyrsti leiðbeinanda og dómarahópurinn tilbúinn í að miðla þessu frábæra sporti. 
Íslenski NoseWork klúbburinn er í vinnslu og er áætlað að hann verði stofnaður eftir 2 mánuði á alþjóðlega NoseWork deginum.

Ég hlakka mikið til að keyra í gang námskeið þar sem allir hundar geta blómstrað.

Byrjar í dag!

Þetta er búið að vera alveg svakalega skemmtilegur tími í hundaþjálfaranáminu og er þriðja lotan að byrja í dag.
Það er hreint ótrúlegt hvað augu manns hafa verið lokuð fyrir atferli hundanna okkar og hvað maður hefur verið algerlega blindur fyrir öllu því sem hundarnir eru að segja við okkur! Merkjamálið þeirra er svo ótrúlega skýrt loksins þegar maður gefur sér tíma til að læra það og skoða.

Fór á hundasýningu síðustu helgi og VÁ! Það er í raun alveg ótrúlegt hvað hundarnir okkar þurfa að þola á svona sýningum og ótrúlegt að ekki komi upp fleiri vandamál í svona þröngu rými með svona mikið af fólki og mikið af hundum!


Hlakka mikið til helgarinnar og þjappa meiri fróðleik í hausinn. Eigið góða helgi öll!

Kveðja, Dóra.

Í dag byrjaði ég í námi sem hundaþjálfari. Þar læri ég þjálfun, atferli og umhirðu hunda. Ég er að læra hjá hundastefnunni sem er skóli á vegum Jóhönnu Reykjalín (Hunda Hönnu) og Olgu Bjarkar. En einnig koma þar fyrir nokkrir vel valdir gestakennarar.

Hunda-Hanna er  útskrifaður hundaþjálfari frá  Sheilu Harper International Dog Behavioral and Training school í UK.
Hún er einnig með  BA-próf í Uppeldis- og menntunarfræði frá Háskóla Íslands og starfar nú sem deildarstjóri á leikskólanum Lyngholt, Reyðarfirði ásamt hundaþjálfarastarfinu. Hunda-Hanna á tvo griffon töffara, Villa og Samma, og Rhodesian Ridgeback skvísuna Söru.

Olga Björk er hundaþjálfari frá Sheila Harper  International Dog Behavioral and Training school í UK. Hún hefur einnig lagt stund á nám í Líffræði við Háskóla Íslands og farið á fjölda námskeiða um hundaþjálfun innan- sem utanlands og má þar helst nefna sumarnámskeið hjá Turid Rugaas í Noregi. Olga er heimavinnandi hundaþjálfari og á Miniature Schnauzerinn Pésa og Rhodesian Ridgeback gaurinn Pardus. Olga var einn af umsjónarmönnum síðunnar hundar.is meðan hún var og hét.

Ég hlakka mikið til að læra meir um hunda en ég hef áður gert og í framhaldinu að geta hjálpað fleira fólki að finna lausnir á vandamálum þeirra í sambandi sínu við hundinn.

Núna nk. fimmtudag mun Auður taka alveg við snyrtingum á Dýralæknamiðstöðinni í Grafarholti. Hún hefur lært hundasnyrtingar hjá Dóru Ásgeirsdóttur sem áður var með stofuna. Áfram verður sama góða og hlýja viðmótið fyrir hundinn þinn þegar hann kemur í snyrtingu. 
Hundur.is 

Núna hefur orðið töluverð áherslubreyting á heimasíðunni hundur.is þar sem ákveðið var að hafa síðuna til fróðleiks og gagns fyrir alla hundaeigendur og hundaáhugafólk.
Vonin er að vel verði tekið í þetta og að sem flestir sjái sér fært að nýta sér síðuna og jafnvel senda inn spurningar sem efla síðuna enn frekar. 

Kveðja, Dóra Ásgeirs.