Þjáist hundurinn þinn vegna offóðrunar og aukabita?
"Hann þarf svo á klippingu að halda til að koma honum aftur í form".
Þessa setningu hef ég heyrt í nokkuð mörgum útgáfum.
Vissulega lýta hundarnir oft betur út þegar búið er að létta feldinum af of stórum skrokki þeirra, en klipping er ekki lausnin fyrir of feita hunda. Hún getur samt hjálpað til að koma hundinum í betra form, því ef hundinum er ekki allt of heitt á hann auðveldara með að hreyfa sig. Hundur sem er 1-5kg of þungur svipar til manneskju sem er 25-40kg of þung! Það er ekkert smáræði. Ofþyngd hjá hundum hefur alveg sömu alvarlegu kvilla í för með sér eins og hjá fólki. Liðamót ráða verr við hreyfingu og allt verður erfiðara og jafnvel þjáningarfullt fyrir hundinn.
Það er ekki á ábyrgð hundsins að halda sér í góðu formi. Við sköffum matinn, aukabitana og hreyfinguna svo að við sem eigendur verðum að bera ábyrgð á því þegar við sjáum eða okkur er sagt að hundurinn okkar sé orðinn of feitur. Það getur verið erfitt að sjá sjálfur breytinguna þegar maður sér hundinn á hverjum degi. En þá þarf maður að vera opinn fyrir ábendingum frá öðrum.
Lausnir eru einfaldari en margur heldur.
Mörgum finnst gaman að gefa hundunum sínum aukabita og sumum jafnvel nauðsynlegt. Það er alveg óþarfi að taka fyrir verðlaun og aukabita ef rétt er að því staðið. Eigandi þarf að kynna sér fæðuþörf hundsins og miða aukabitana við það. Margir hundar elska matinn sinn og getur þá verið nóg að minnka matarskammtinn sem þeir fá í skálina og gefa rest sem bita úr hendi, sem verðlaun eða bara sem aukabita. Aðrir vilja gefa hundinum tilbreytingu í fæðu og þá getur verið gott að notast við hráan ókryddaðan kjúkling eða jafnvel frosna hráfóður mola. Hægt er að fá Nordic hráfóður hjá Hundahreysti sem er með allri þeirri næringu sem hundurinn þarfnast. Það má afþýða pylsuna einu sinni, hluta hana niður í vigtaða bita og frysta aftur til að gefa sem nammi. En muna þó alltaf að minnka matarksammtin til móts við aukabitana.
Eins og með okkur mannfólkið er hreyfing mikilvæg, en hafa ber í huga að hundur sem ekki er vanur að hreyfa sig mikið og er orðinn allt of feitur þarf að byrja hægt og fara frekar marga stutta túra yfir daginn frekar en einn langan. Huga þarf að liðamótum og mjöðmum (hjá stærri tegundum) þegar hreyfingin er valin og passa uppá að hundurinn ofgeri sér ekki þegar "megrun" hefst.
Ávinningurinn er ótvíræður.
Við sem elskum hundana okkar vitum ekkert verra en þegar við þurfum að kveðja þá. Sér í lagi ef kveðjustundin kemur allt of snemma vegna veikinda. Offita eykur líkurnar á ótímabærum dauða töluvert og því er mikið fyrir okkur að græða að koma hundinum okkar í eins gott form og við getum. Líftími þeirra er allt of stuttur þó að við styttum hann ekki enn frekar með offóðrun. Regluleg hreyfing getur aukið lífdaga besta vinar mannsins þónokkuð og ekki skemmir fyrir að okkar eigin heilsa hagnast um leið.
Þessa setningu hef ég heyrt í nokkuð mörgum útgáfum.
Vissulega lýta hundarnir oft betur út þegar búið er að létta feldinum af of stórum skrokki þeirra, en klipping er ekki lausnin fyrir of feita hunda. Hún getur samt hjálpað til að koma hundinum í betra form, því ef hundinum er ekki allt of heitt á hann auðveldara með að hreyfa sig. Hundur sem er 1-5kg of þungur svipar til manneskju sem er 25-40kg of þung! Það er ekkert smáræði. Ofþyngd hjá hundum hefur alveg sömu alvarlegu kvilla í för með sér eins og hjá fólki. Liðamót ráða verr við hreyfingu og allt verður erfiðara og jafnvel þjáningarfullt fyrir hundinn.
Það er ekki á ábyrgð hundsins að halda sér í góðu formi. Við sköffum matinn, aukabitana og hreyfinguna svo að við sem eigendur verðum að bera ábyrgð á því þegar við sjáum eða okkur er sagt að hundurinn okkar sé orðinn of feitur. Það getur verið erfitt að sjá sjálfur breytinguna þegar maður sér hundinn á hverjum degi. En þá þarf maður að vera opinn fyrir ábendingum frá öðrum.
Lausnir eru einfaldari en margur heldur.
Mörgum finnst gaman að gefa hundunum sínum aukabita og sumum jafnvel nauðsynlegt. Það er alveg óþarfi að taka fyrir verðlaun og aukabita ef rétt er að því staðið. Eigandi þarf að kynna sér fæðuþörf hundsins og miða aukabitana við það. Margir hundar elska matinn sinn og getur þá verið nóg að minnka matarskammtinn sem þeir fá í skálina og gefa rest sem bita úr hendi, sem verðlaun eða bara sem aukabita. Aðrir vilja gefa hundinum tilbreytingu í fæðu og þá getur verið gott að notast við hráan ókryddaðan kjúkling eða jafnvel frosna hráfóður mola. Hægt er að fá Nordic hráfóður hjá Hundahreysti sem er með allri þeirri næringu sem hundurinn þarfnast. Það má afþýða pylsuna einu sinni, hluta hana niður í vigtaða bita og frysta aftur til að gefa sem nammi. En muna þó alltaf að minnka matarksammtin til móts við aukabitana.
Eins og með okkur mannfólkið er hreyfing mikilvæg, en hafa ber í huga að hundur sem ekki er vanur að hreyfa sig mikið og er orðinn allt of feitur þarf að byrja hægt og fara frekar marga stutta túra yfir daginn frekar en einn langan. Huga þarf að liðamótum og mjöðmum (hjá stærri tegundum) þegar hreyfingin er valin og passa uppá að hundurinn ofgeri sér ekki þegar "megrun" hefst.
Ávinningurinn er ótvíræður.
Við sem elskum hundana okkar vitum ekkert verra en þegar við þurfum að kveðja þá. Sér í lagi ef kveðjustundin kemur allt of snemma vegna veikinda. Offita eykur líkurnar á ótímabærum dauða töluvert og því er mikið fyrir okkur að græða að koma hundinum okkar í eins gott form og við getum. Líftími þeirra er allt of stuttur þó að við styttum hann ekki enn frekar með offóðrun. Regluleg hreyfing getur aukið lífdaga besta vinar mannsins þónokkuð og ekki skemmir fyrir að okkar eigin heilsa hagnast um leið.
Allur réttur áskilinn © hundur.is
