Klóaklipping
Allt of langar klær á Silky Terrier hundi, bólgnar og með sveppasýkingu.
Að vera með allt of langar klær er algerlega óviðundandi ástand fyrir hvaða hund sem er. Klær eru mismunandi eftir hundum og á meðan sumar vaxa langt fram eiga aðrar það til að vaxa í hring og fara þá, ef ekki er gætt að því að klippa þær, að vaxa inn í þófann á hundinum sem getur verið mjög kvalarfullt og valdið sýkingum.
En jafnvel þó að klærnar vaxi ekki svona í hring, þarf samt að huga að því að þær verði ekki of langar, því á ákveðnum tímapunkti vaxa þær niður fyrir þófann og þá þurfa þær að sveigjast (og tærnar sveigjast með) til að hundurinn geti staðið í lappirnar. Þetta er ekki síður vont fyrir hundinn.
Feldhundar
Passa þarf sérstaklega uppá að hundar með mikinn feld sem hylur tærnar fái ekki of langar klær. Ef ekki er að gáð getur svona ástand farið algerlega framhjá fólki og þarf það því reglulega að þreifa lappir hundanna sinna og taka hárin frá klónum til að athuga ástandið. Hundar með mjög loðna fætur eiga það einnig til að fá sveppasýkingar á milli tánna þar sem raki sest fyrir í feldinum og sveppurinn nær að grassera í kjöraðstæðum. Ef að hundurinn þinn er rauður/bleikur á milli tánna er mjög líklega um sveppasýkingu að ræða.
Loðnum hundum hættir einnig til að fá flækjur á milli tánna og á milli þófanna undir fætinum. Flókar á þessum stöðum geta valdið hundinum miklum óþægundum og koma þarf í veg fyrir þetta með því að annaðhvort greiða reglulega, eða klippa í burtu hárin.
Flestir sem hreyfa hundana sína reglulega þurfa ekki að hafa áhyggjur af ofvexti klóa á hundunum sínum. En það eru alltaf undantekningar og svo slíta hundarnir hinni svokölluðu úlfakló (dewclaw) mislítið. Einnig eiga klærnar til að fara úr böndunum yfir vetrartímann þegar það er mikill snjór og klærnar slitna ekki sjálfar.
Hvað skal gera?
Það tekur tíma að læra að klippa klær án þess að blóðga þær og þá sérstaklega svartar klær. Þegar klippt er í kvikuna getur blætt gríðarlega mikið og þá er gott hafa duft við hendina sem stoppar blæðinguna. Skiljanlega treysta sér ekki allir í að klippa meira eftir að svona gerist en bæði dýralæknar og hundasnyrtar taka að sér að klippa klær fyrir vægt gjald. Hjá Hundur.is kostar klóaklipping 1000kr. og það er auðvelt að komast að.
Hundurinn minn sturlast af hræðslu þegar ég tek fram klippurnar hvað er til ráða?
Aftur myndi ég mæla með því að panta tíma hjá dýralækni eða hundasnyrti. Oft verður vandinn að engu þegar eigandinn er ekki nálægt. Hinsvegar eru til tilfelli þar sem hundurinn er of hræddur til að hægt sé að eiga við hann og þá mæli ég eindregið með því að fólk taki markvissar æfingar með hundinum sínum og fái ráðgjöf hjá fagaðila. Sif Traustadóttir Dýraatferlisfræðingur tekur hunda og eigendur í viðtalstíma á Dýralæknamiðstöðinni í Grafarholti og hægt er að nálgast allar frekari upplýsingar á heimasíðu stofunnar hér.
Síðasta úrræði myndi ég segja að væri svæfing fyrir dýrið á meðan klærnar eru klipptar, en það þarf þá að taka slíkt fram við pöntun á klóaklippingunni. Þó að ég nefni svæfingu sem síðasta úrræði, er það ávallt betra en að hafa hundinn annaðhvort með allt of langar klær á meðan hann fer í gegnum þjálfun eða gera hann sturlaðan af hræðslu með þvingunum.
En jafnvel þó að klærnar vaxi ekki svona í hring, þarf samt að huga að því að þær verði ekki of langar, því á ákveðnum tímapunkti vaxa þær niður fyrir þófann og þá þurfa þær að sveigjast (og tærnar sveigjast með) til að hundurinn geti staðið í lappirnar. Þetta er ekki síður vont fyrir hundinn.
Feldhundar
Passa þarf sérstaklega uppá að hundar með mikinn feld sem hylur tærnar fái ekki of langar klær. Ef ekki er að gáð getur svona ástand farið algerlega framhjá fólki og þarf það því reglulega að þreifa lappir hundanna sinna og taka hárin frá klónum til að athuga ástandið. Hundar með mjög loðna fætur eiga það einnig til að fá sveppasýkingar á milli tánna þar sem raki sest fyrir í feldinum og sveppurinn nær að grassera í kjöraðstæðum. Ef að hundurinn þinn er rauður/bleikur á milli tánna er mjög líklega um sveppasýkingu að ræða.
Loðnum hundum hættir einnig til að fá flækjur á milli tánna og á milli þófanna undir fætinum. Flókar á þessum stöðum geta valdið hundinum miklum óþægundum og koma þarf í veg fyrir þetta með því að annaðhvort greiða reglulega, eða klippa í burtu hárin.
Flestir sem hreyfa hundana sína reglulega þurfa ekki að hafa áhyggjur af ofvexti klóa á hundunum sínum. En það eru alltaf undantekningar og svo slíta hundarnir hinni svokölluðu úlfakló (dewclaw) mislítið. Einnig eiga klærnar til að fara úr böndunum yfir vetrartímann þegar það er mikill snjór og klærnar slitna ekki sjálfar.
Hvað skal gera?
Það tekur tíma að læra að klippa klær án þess að blóðga þær og þá sérstaklega svartar klær. Þegar klippt er í kvikuna getur blætt gríðarlega mikið og þá er gott hafa duft við hendina sem stoppar blæðinguna. Skiljanlega treysta sér ekki allir í að klippa meira eftir að svona gerist en bæði dýralæknar og hundasnyrtar taka að sér að klippa klær fyrir vægt gjald. Hjá Hundur.is kostar klóaklipping 1000kr. og það er auðvelt að komast að.
Hundurinn minn sturlast af hræðslu þegar ég tek fram klippurnar hvað er til ráða?
Aftur myndi ég mæla með því að panta tíma hjá dýralækni eða hundasnyrti. Oft verður vandinn að engu þegar eigandinn er ekki nálægt. Hinsvegar eru til tilfelli þar sem hundurinn er of hræddur til að hægt sé að eiga við hann og þá mæli ég eindregið með því að fólk taki markvissar æfingar með hundinum sínum og fái ráðgjöf hjá fagaðila. Sif Traustadóttir Dýraatferlisfræðingur tekur hunda og eigendur í viðtalstíma á Dýralæknamiðstöðinni í Grafarholti og hægt er að nálgast allar frekari upplýsingar á heimasíðu stofunnar hér.
Síðasta úrræði myndi ég segja að væri svæfing fyrir dýrið á meðan klærnar eru klipptar, en það þarf þá að taka slíkt fram við pöntun á klóaklippingunni. Þó að ég nefni svæfingu sem síðasta úrræði, er það ávallt betra en að hafa hundinn annaðhvort með allt of langar klær á meðan hann fer í gegnum þjálfun eða gera hann sturlaðan af hræðslu með þvingunum.
Allur réttur áskilinn © hundur.is
